L-orjentazzjoni internazzjonali tal-Università hija riflessa fl-istorja ta’ kollaborazzjonijiet ma’ ħafna mill-iktar istituzzjonijiet edukattivi u ta’ riċerka ewlenin fl-Ewropa u madwar id-dinja kif ukoll il-promozzjoni attiva ta’ programmi ta’ mobilità u ta’ skambju. Hija l-ewwel Università Griega li ffirmat l-EU Charter u l-Kodiċi għar-reklutaġġ tar-riċerkaturi, u tifforma parti min-netwerk Ewropew Euraxess għall-mobilità tar-riċerkaturi. L-Università tipparteċipa bi sħiħ f’mekkaniżmi ta’ assigurazzjoni ta’ kwalità kemm għall-istrutturi akkademiċi kif ukoll amministrattivi tagħha, u hija għażla strateġika tal-Università li jkun hemm sforz kontinwu biex tintlaħaq il-kwalità fl-istrutturi kollha tagħha.

Id-Dipartiment tal-Edukazzjoni Bikrija tal-Università ta’ Kreta twaqqaf fil-bidu tad-disgħinijiet u flimkien mad-Dipartiment tal-Edukazzjoni Elementari jinkludi l-Iskola tal-Edukazzjoni li tipprepara lill-edukaturi fis-settur tal-edukazzjoni bikrija u lill-għalliema fis-settur tal-edukazzjoni elementari. Id-Dipartiment tal-Edukazzjoni Bikrija huwa magħmul minn 30 membru tal-fakultà u jservi popolazzjoni undergraduate ta’ 600, 20 student tal-Masters u 5 kandidati tal-Ph.D. Id-Dipartiment tal-Edukazzjoni Bikrija ospita numru ta’ konferenzi internazzjonali u pparteċipa fi programmi Ewropej varji u f’links bejn l-univeristajiet.