L-Università ta’ Pavia fl-Italja twaqqfet uffiċjalment fl-1361 għalkemm editt maħruġ mir-Re Frank tal-Italja Lothar I semma l-eżistenza ta’ istituzzjoni tal-edukazzjoni ogħla f’Pavia li tmur lura sas-sena AD 825. Imwaqqfa uffiċjalment bħala studium generale mill-Imperatur Qaddis Ruman Charles IV, l-istituzzjoni kienet imkabbra u rinovata mid-Duka ta’ Milan Gian Galeazzo Visconti. Matul l-istorja tagħha, l-Università gawdiet mill-preżenza ta’ xjentisti importanti fosthom il-matematiku Girolamo Cardano, il-fiżiċista Alessandro Volta, il-poetà Ugo Foscolo u t-tabib Camillo Golgi. Preżentament l-Università ta’ Pavia toffri firxa wiesgħa ta’ programmi dixxiplinarji u inter-dixxiplinarji. Issir riċerka fid-dipartimenti, l-istituti, il-kliniċi, iċ-ċentri u l-laboratorji, flimkien ma’ assoċjazzjonijiet pubbliċi u privati.
Id-Dipartiment tal-Psikoloġija fi ħdan il-Fakultà tal-Ittri u l-Filosofija tal-Universita ta’ Pavia twaqqaf fuq l-Ewwel Psikoloġija li twaqqfet fl-1962. Fl-2013 saret id-Dipartiment tax-Xjenzi tal-Moħħ u tal-Imġiba, li jinkludi kors ta’ baċċellerat u master fil-Psikoloġija, kors ta’ dottorat fil-psikoloġija u numru ta’ korsijiet post-gradwatorji. L-attivita ta’ riċerka tad-Dipartiment tinkludi psikoloġija tal-iżvilupp, klinika, esperimentali u tax-xogħol u newroxjenza mwettqa f’numru ta’ laboratorji fid-Dipartiment b’kollaborazzjoni ma’ istituzzjonijiet nazzjonali u internazzjonali varji.