L-Università ta’ Zagreb (1669) hija l-eqdem u l-ikbar università fix-Xlokk tal-Ewropa. Bħala università komprensiva pubblika fl-Ewropa Ċentrali hija toffri edukazzjoni u riċerka fl-oqsma xjentifiċi kollha (arti, bijomediċini, bijoteknoloġija, iniġinerija, humanities, xjenzi naturali u xjenzi soċjali) u firxa wiesgħa ta’ korsijiet fil-livelli kollha ta’ studju, minn programmi undergraduate sa postgraduate. B’29 Fakultà, 3 Akkademiċi tal-Arti u ċ-Ċentru tal-Università għall-Istudji dwar il-Kroazja hija l-istituzzjoni edukattiva mudell fil-pajjiż, post fejn iktar minn 7900 għalliem u 72,480 student ikomplu jiżviluppaw l-għarfien tagħhom u jiksbu ħiliet ġodda.
L-Università teċċella mhux biss fit-tagħlim iżda wkoll fir-riċerka u tikkontribwixxi għal iktar minn 50 fil-mija tar-riżultat annwali fir-riċerka fil-Kroazja u għal 80 fil-mija tal-produttività xjentifika tal-universitajiet Kroati kollha. Il-kwistjoni strateġika kollha fl-iżvilupp futur tal-università huwa biex hi ssir istituzzjoni orjentata lejn ir-riċerka b’tagħlim ta’ kwalità għolja. Il-Fakultà tal-Edukazzjoni tal-Għalliema tal-Università ta’ Zagreb hija l-ikbar istituzzjoni li teduka lill-għalliema tal-iskejjel primarji u tal-edukazzjoni bikrija fir-Repubblika tal-Kroazja.
Il-Fakultà topera fi tliet lokalitajiet, bil-fergħa ewlenija tkun f’Zagreb u fergħat lokALi f’Petrinja u Čakovec, li jammontaw għal madwar 3,000 student u madwar 200 staff akkademiku. Il-Fakultà timplimenta studju integrat għall-għalliema fl-edukazzjoni primarja, kif ukoll studji undergraduate u post-graduate fl-edukazzjoni bikrija u primarja. Hija l-uniku fakultà għall-edukazzjoni tal-għalliema fil-pajjiż li toffri programm Ph.D. għall-għalliema tal-primarja. B’kollaborazzjoni mad-Dipartiment tal-Pedagoġija u s-Soċjoloġija fl-Universita ta’ Münster, il-Fakultà stabbiliet Ċentru għall-Edukazzjoni Ewropea għall-Għalliema u għall-Analiżi Komparattiva tal-Edukazzjoni u Studji Ewropej. Il-Fakultà kienet il-koordinatur ta’ tliet proġetti Tempus u torganizza programm konġunt ta’ Masters fil-Management u l-Counselling fl-Edukazzjoni Ewropea.
Il-Fakultà tippubblika “The Croatian Journal of Education” li għandu l-għan li jippromwovi u jtejjeb l-istudji ta’ xjenzi edukattivi bażiċi, metodoloġiji ta’ tagħlim u xjenzi fundamentali relatati, u x-xjenza tal-kompjuter u tal-komunikazzjoni kif ukoll xjenzi u arti oħra. Il-prijoritajiet ta’ żvilupp tal-Fakultà jinkludu l-promozzjoni ta’ kooperazzjoni internazzjonali u l-kreattività fl-edukazzjoni.