All posts by adm

ProM – nibnu l-ħiliet għall-Mobilità fl-edukazzjoni

- Halli Risposta

ProM huwa proġett ġdid Ewropew li jimmira li jipprovdi programm komprensiv ta’ taħriġ professjonali lill-għalliema permezz ta’ tagħlim online, biex jappoġġja l-immaniġġjar, l-ippjanar u l-implimentazzjoni ta’ inizjattivi ta’ mobilità.

ProM: x’qed nagħmlu
Qed jiġu organizzati erba’ workshops ta’ implimentazzjoni biex ikun ippreżentat il-proġett ProM u x-xogħol tiegħu. Il-workshops huma intenzjonati għall-kapijiet tal-iskejjel u l-kulleġġi, dawk responsabbli mill-iżvilupp professjonali kontinwu tal-għalliema u min jieħu d-deċiżjonijiet fil-qasam edukattiv. Huma għandhom l-għan li:
• Jittestjaw l-għodda ta’ valutazzjoni li persuna tagħmel tagħha nnifisha u jistieden parteċipanti biex jevalwaw il-kompetenzi tagħhom fl-immaniġġjar tal-mobilità,
• Jippreżenta modi kif l-għodod ta’ mobilità tal-ProM jistgħu jkunu integrati fit-taħriġ fit-tul tal-għalliema.
Diġà saru żewġ workshops – wieħed fis- Centre international d’études pédagogiques (CIEP) (Sèvres, Franza), u l-ieħor fis- Center für berufsbezogene Sprachen (CEBS) (Linz, l-Awstrija) – biex jinforma lill-parteċipanti fuq l-għodod ta’ mobilità tal-ProM u l-valur miżjud tagħhom għat-taħriġ tal-għalliema. Żewġ workshops oħra fl-Italja u l-Polonja se jsiru f’Settembru 2014.

Ittestja l-għodda ta’ valutazzjoni li persuna tagħmel tagħha nnifisha u għinna ntejbuha!

Kif tħossok fuq l-immaniġġjar tal-mobilità? Tinħtieġ xi taħriġ dwar il-mobilità? Jew għandek xi ħiliet fl-immaniġġjar tal-mobilità li jinħtieġu li jipperfezzjonaw ruħhom? Għalfejn ma tgħinniex filwaqt li qed taħdem fuq il-ħiliet tal-mobilità tiegħek, billi tuża l-għodda ta’ valutazzjoni li persuna tagħmel tagħha nnifisha?
Meta tkun lestejt mill-valutazzjoni tal-ħiliet u l-kompetenzi tiegħek fuq is-sit elettriku tal-ProM bl-użu b’xejn tal-formola tal-valutazzjoni li persuna tagħmel tagħha nnifisha, għidilna x’taħseb billi tirrispondi l-kwestjonarju qasir tagħna. Jieħu inqas minn għaxar minuti. It-tweġibiet tiegħek huma ta’ valur kbir għalina biex intejbu l-għodda ta’ valutazzjoni li persuna tagħmel tagħha nnifisha biex tkun tista’ sservi ta’ iktar għajnuna għall-ħtiġijiet tal-għalliema.

Agħfas hawn għall-valutazzjoni li persuna tagħmel tagħha nnifisha
Agħfas hawn għall-kwestjonarju

Iktar Links u Informazzjoni Hawn

ENTREE

- Halli Risposta

ENTREE huwa proġett Comenius ta’ sentejn (2013-2015) iffukat fuq l-implimentazzjoni ta’ edukazzjoni tal-għalliema biex itejjeb ir-reżiljenza tal-għalliema u huwa f’qafas ta’ kunċett teoretiku wiesa’ li kien żviluppat mill-konsorzju. B’reżiljenza tal-għalliema nifhmu l-proċess jew il-kapaċità għal adattament pożittiv u impenn professjonali kontinwu u tkabbir quddiem ċirkustanzi li joffru sfida.

Biex jindirizza dan il-proċess b’mod adegwat miżura ta’ assessjar li persuna tagħmel tagħha nnifisha tipprovdi lill-għalliema parteċipanti b’feedback wiesa’ fuq il-ħiliet u l-opportunitajiet individwali tagħhom biex itejbu l-kapaċità tagħhom għar-reżiljenza. Ibbażat fuq ir-riżultat tal-assessjar li persuna tagħmel tagħha nnifisha, l-għalliema jistgħu mbagħad jipparteċipaw f’moduli ta’ taħriġ imfassla fuq il-ħtiġijiet individwali tagħhom.

Il-konsorzju tal-proġett iġib flimkien riċerkaturi bi sfondi akkademiċi differenti minn numru ta’ pajjiżi Ewropej (il-Ġermanja, l-Irlanda, Malta, il-Portugall, ir-Repubblika Ċeka) u l-Awstralja. L-imsieħba Awstraljani huma diġà parti minn Keeping Cool u BriTE, żewġ proġetti li jirrigwardjaw it-titjib tar-reżiljenza tal-għalliema.

Għal iktar informazzjoni, jekk jogħġbok żur http://entree-project.eu

ENSEC

- Halli Risposta

ENSEC huwa netwerk mhux għall-profitt ta’ akkademiċi u persuni li jipprattikaw professjoni ffukata fuq l-iżvilupp u l-promozzjoni ta’ prattika bbażata fuq l-evidenza b’rabta mal-kompetenza soċjo-emozzjonali u r-reżiljenza fost l-istudenti tal-iskola fl-Ewropa. Huwa jservi ta’ repożitorju għall-informazzjoni u d-data dwar strateġiji għall-promozzjoni tal-kompetenza soċjo-emozzjonali u r-reżiljenza fl-iskejjel fl-Ewropa u f’partijiet oħra tad-dinja.

Il-membri tiegħu jfittxu li jipparteċipaw f’riċerka empirika oriġinali, jiżviluppaw programmi akkademiċi wiesgħa li jiksbu unuri f’dan il-qasam, jidħlu fi djalogu ma’ persuni li jfasslu l-politika u persuni li jeżerċitaw il-professjoni, u jikkontribwixxu għal politika u l-prattiċi f’dan il-qasam. Huwa jorganizza konferenza internazzjonali bijennali, huwa ko-pubblikatur ta’ newsletter biannwali għall-membri tiegħu, u jservi ta’ pjattaforma għal riċerka kollaborattiva fost il-membri tiegħu. Iktar informazzjoni tista’ tinstab fuq www.enseceurope.org