Il-Proġett “European Assessment Protocol for Children’s SEL Skills” (EAP) huwa inkluż fil-Programm ta’ Ffinanzjar Ewropew fil-Qasam tal-Edukazzjoni u t-Tagħlim, magħruf bħala l-Programm għat-Tagħlim Tul il-Ħajja 2007-2013 (LLP). Il-proġett huwa kkordinat mill-Università ta’ Perugia (l-Italja) u jinkludi l-parteċipazzjoni ta’ sħubija magħmula minn pajjiżi differenti, jiġifieri l-Kroazja, l-Islovenja, l-Iżvizzera, l-Iżvezja u l-Italja (Udine). L-elementi prinċipali tal-proġett huma l-introduzzjoni, fil-programmi tat-tagħlim kurrikuluri, tas- Social Emotional Learning (SEL), kif inhu magħruf internazzjonalment, u l-ħolqien ta’ protokoll li jevalwa l-maturità emozzjonali u soċjali tat-tfal fi skola elementari. L-għan ewlieni ta’ dan il-proġett huwa l-ħolqien ta’ għodda ta’ valutazzjoni standardizzata skont il-Protokoll Ewropew tal-Valutazzjoni li għandha toffri linji gwida preċiżi ta’ evalwazzjoni għal ħiliet SEL fit-tfal, u tiggarantixxi interventi SEL ta’ kwalità għolja fuq dimensjoni Ewropea. Fost l-għanijiet tal-proġett jispikka dak li jimmira li jtejjeb, jippromwmovi, jivvaluta, u jxerred dimensjoni Ewropea innovattiva ta’ edukazzjoni tal-għalliema fis-Social Emotional Learning, u li joħloq approċċ integrat għat-tagħlim – prattiċi tat-tagħlim, inkluż kumitat Ewropew ta’ SEL, biex jappoġġja il-kompetenzi “trasversali” ewlenin bil-għan li jirrinforza l-koeżjoni soċjali, iċ-ċittadinanza attiva, id-djalogu interkulturali u s-sodisfazzjon personali.

Għal iktar informazzjoni: www.eap-sel.eu